Kanë mbërritur në Shqipëri eshtrat e Mid’hat Frashërit. Homazhet për patriotin shqiptar do të zhvillohen te Akademia e Arteve. Pas ceremonisë eshtrat do të varrosen pranë varrezave të vëllezërve Frashëri.
Mid’hat Frashëri, (djali i Abdyl Frashërit), nip i Frashëlinjve është një nga figurat më të shquara intelektuale shqiptare. Ai ka lënë gjurmë si diplomat, shkrimtar dhe politikan. Lindi në Janinë më 25 mars 1880, u rrit në Stamboll dhe gjithë jetën ia kushtoi çështjes shqiptare.
Mid’hat Frashëri vdiq në Neë York më 3 nëntor 1949. Ndërsa, pas kaq shumë vitesh eshtrat e tij do të prehen në atdhe. Për kthimin e eshtrave nga SHBA për në vendlindje të firmëtarit të pavarësisë dhe kryetarit të Kongresit të Manastirit, Këshilli i Ministrave akordoi fondin prej 3,239,400 lekë, për organizimin e procedurave të nevojshme ndërshtetërore.